Grindavík gerði enn eitt markalausa jafnteflið í Pepsi Max-deild karla í gær er liðið mætti Breiðablik.

Grindavík hefur staðið vaktina vel í vörninni í sumar en það gengur ansi illa að skora mörk.

Jafntefli gærdagsins var fimmta markalausa jafntefli liðsins í sumar sem er sturluð staðreynd.

Grindavík hefur fengið á sig fæst mörk í deildinni, aðeins tíu eftir 13 umferðir í sumar.

Liðið hefur þá einnig skorað fæst mörk eða átta talsins. Grindvíkingar sitja í 9. sætinu með 14 stig.

Aron Elís Þrándarson, leikmaður Aalesund í Noregi, tjáði sig um Grindavík á Twitter síðu sinni í gær.

Hann segir að það sé galið að verið sé að rukka stuðningsmenn liðsins fyrir svona frammistöðu trekk í trekk.

Að það sé verið að rukka inn á Grindavikurleiki er gjörsamlega galið. Fólk er bókstaflega að fá ekkert fyrir peninginn

— Aron Þrándarson (@aronthrandar) 22 July 2019