KR þurfti að sætta sig við eitt stig í Pepsi Max-deild karla í kvöld er liðið spilaði við Stjörnuna í 13. umferð sumarsins.

Stjarnan komst yfir á Meistaravöllum í kvöld en fyrrum leikmaður KR, Baldur Sigurðsson gerði markið.

Staðan var 1-0 þar til á 57. mínútu er KR fékk vítaspyrnu og úr henni skoraði Daninn Tobias Thomsen örugglega.

Björgvin Stefánsson skoraði svo annað mark KR á 80. mínútu leiksins en hann tók frábærlega á móti boltanum inni í vítateig og renndi honum framhjá Haraldi Björnssyni.

Það var svo Hilmar Árni Halldórsson sem jafnaði metin fyrir Stjörnuna á 93. mínútu leiksins og jafntefli niðurstaðan í Vesturbænum.

Annar frábær leikur var á boðstólnum á Víkingsvelli þar sem Víkingur Reykjavík fékk Val í heimsókn.

Valsmenn byrjuðu mjög vel og komust í 2-0 með mörkum frá Lasse Petry og Sigurði Agli Lárussyni.

Guðmundur Andri Tryggvason lagaði stöðuna fyrir Víkinga á 59. mínútu og í blálokin þá skoraði Logi Tómasson jöfnunarmark heimamanna og lokastaðan 2-2.

KR 2-2 Stjarnan
0-1 Baldur Sigurðsson(29′)
1-1 Tobias Thomsen(víti, 57′)
2-1 Björgvin Stefánsson(80′)
2-2 Hilmar Árni Halldórsson(93′)

Víkingur R. 2-2 Valur
0-1 Lasse Petry(8′)
0-2 Sigurður Egill Lárusson(52′)
1-2 Guðmundur Andri Tryggvason(59′)
2-2 Logi Tómasson(87′)