Zlatan Ibrahimovic er langbesti leikmaður bandarísku MLS-deildarinnar, að eigin sögn.

Zlatan hefur spilað vel með LA Galaxy undanfarið ár en hann kom til félagsins frá Manchester United.

Svíinn er 37 ára gamall í dag og var í gær spurður hvort hann væri betri en Carlos Vela, leikmaður Los Angeles FC.

Vela er fyrrum leikmaður Arsenal og Real Sociedad en hann gekk í raðir Los Angeles í fyrra.

,,Ég er langbestur því ef hann er upp á sitt besta núna… Hvað er hann gamall? 29?“ sagði Zlatan.

,,Hann er á besta aldri og er að spila í MLS deildinni. Ég var að spila í Evrópu 29 ára gamall, það er mikill munur.“