Mino Raiola, umboðsmaður Paul Pogba, hefur aftur tjáð sig um miðjumanninn sem er orðaður við brottför.

Pogba er talinn vera á förum frá United í sumar en ekkert lið virðist þó vera tilbúið að borga 150 milljónir evra fyrir Frakkann.

Raiola reynir að koma skjólstæðingi sínum burt og segir að það sé ekki búið að ákveða framhaldið.

,,Það er ekki búið að skrifa framtíðina. Við sjáum til. Verður hann áfram í Manchester?“ sagði Raiola.

,,Ég tek einn dag í einu, við sjáum hvað gerist. Það er ekki búið að skrifa þessa sögu, við erum hér í dag en hver veit hvað gerist á morgun.“