Real Madrid festi kaup á varnarmanninum Eder Militao í sumar en hann kemur til félagsins frá Porto.
Spænska félagið borgaði 43 milljónir punda fyrir Militao sem var kynntur hjá félaginu í dag.
Militao mætti á blaðamannafund en þurfti fljótt að yfirgefa svæðið. Það leið næstum yfir Brasilíumanninn fyrir framan fjölmiðla.
Militao sagðist vera flökurt á blaðamannafundinum og fékk loks nóg og þurfti að kveðja snemma.
Það var 32 stiga hiti í Madríd þegar fundurinn fór fram og átti Militao erfitt með að halda haus.
Myndir af þessu má sjá hér fyrir neðan.
