„Til umræðu hlýt­ur að koma ein­hverslags laga­setn­ing í kring­um offitu­varn­ir og aðrar lífs­stíls­sjúk­dóma­varn­ir, rétt eins og með tób­aksvarn­ir,“ segir Viðar Guðjohnsen, lyfjafræðingur og sjálfstæðismaður.

Viðar skrifar áhugaverða grein í Morgunblaðið um lífsstílssjúkdóma og neyslu Íslendinga á óhollum og sykruðum vörum, gosi og sælgæti til dæmis.

„Íslensk börn eru næst­feit­ustu börn Evr­ópu. Þetta er dap­ur­leg staðreynd sem byggð er á op­in­ber­um töl­um frá Efna­hags- og fram­fara­stofn­un­inni. Fjallað var um þetta í ís­lensk­um fjöl­miðlum fyr­ir um tveim­ur árum en ráðamenn létu þær fregn­ir sem vind um eyru þjóta og nauðsyn­leg umræða féll í gleymsk­unn­ar dá.“

Viðar bendir á um 3,4 milljónir manna deyi árlega af völdum offitu en reykingar drepi örlítið fleiri, eða um 5 milljónir á ári. Þetta er samkvæmt tölum frá Alþjóðaheilbrigðismálastofnunni.

Hann segir að foreldrar beri höfuðábyrgð á ástandi barna sinna og séu fyrirmyndir þeirra.

„Senni­lega myndi ekk­ert for­eldri bjóða barn­inu sínu síga­rettu en töl­fræðin sem var nefnd hér að ofan bend­ir til þess að nammið sé engu skárra, jafn­vel verra. Það er því ógn­væn­legt að vita til þess að á hverj­um laug­ar­degi sé selt u.þ.b. eitt tonn af nammi í regn­boga­lituðum nammi­b­ar Hag­kaups í Skeif­unni. Það nammi er allt selt eft­ir vigt og því var ein­falt að óska eft­ir þeim upp­lýs­ing­um. Eitt sím­tal nægði. Tonn af nammi, á ein­um degi, í einni mat­vöru­versl­un.“

Viðar segir að nammiát og gosdrykkja hafi alvarlegar afleiðingar í för með sér og menn ættu að varast nammigjafir. „Á hverj­um degi eru fram­kvæmd­ar 23 afliman­ir á Bretlandi vegna syk­ur­sýki. Erfitt er að nálg­ast töl­ur yfir ástandið á Íslandi en miðað við offitu­met ís­lenskra barna verður ástandið varla betra í ná­inni framtíð.“

Í grein sinni kallar Viðar eftir einhverskonar lagasetningu í kringum offituvarnir og aðrar lífsstílssjúkdómavarnir rétt eins og með tóbaksvarnir.

„Í það minnsta mætti byrja á ein­hvers kon­ar sölu­höml­um á gosið og nammið; að það liggi ekki úti um allt í versl­un­um, að það sé ekki selt börn­um og að eft­ir­lit og for­varn­ir séu fjár­magnaðar með sölu­tengd­um gjöld­um. Jafn­vel mætti setja ein­hverslags óheilla­mynd­ir á gosið eins og síga­rettupakk­ana,“ segir Viðar sem endar grein sína á þessum orðum:

„Ef sam­fé­lagið hef­ur ekki tíma fyr­ir heils­una í dag, þá mun það ekki hafa heilsu fyr­ir tím­ann á morg­un. Heil­brigður þegn er dýr­mæt­asta auðlind þjóðar­inn­ar.“