Varnarmaðurinn Adil Rami á yfir höfði sér refsingu hjá félagi sínu í Frakklandi, Marseille.

Frá þessu er greint í dag en Rami mætti ekki á æfingu franska liðsins í gær eftir gott og langt sumarfrí.

Rami komst í fréttirnar á dögunum en hann hafði verið í sambandi með fyrrum kvikmyndastjörnunni Pamela Anderson.

Pamela greindi frá því á Instagram nýlega að Rami væri lygari og svikari og að hann hefði ítrekað farið á bakvið hana í sambandinu.

Þau eru hætt saman og er talið að Rami sé miður sín og hafi þess vegna ekki mætt á æfingu í gær.

Félag hans tekur þá afsökun hins vegar ekki í mál og mun refsa honum fyrir að skrópa á fyrsta degi.