Rapparinn, Snoop Dogg hefur fengið harkalega gagnrýni eftir að hann gerði alkóhólistann, Paul Gascoigne að umtalsefni. Gascoigne var einn besti knattspyrnumaður Englands í mörg ár.

Snoop finnst ekkert betra en að reykja gras, hann telur að það sé miklu betra en að drekka áfengi. Rapparinn birti myndir af sér og Gascoigne á Instagram í gær. Þar gerði hann samsetta mynd af sér og Gascoigne þegar þeir voru tvítugir. Síðan setti hann aðra mynd til hliðar þar sem þeir eru 47 ára.

Þar ber hann saman Gascoigne sem hefur drukkið of mikið af áfengi og sjálfan sig, sem hefur reykt gras daglega í 27 ár. Gascoigne er heimsfræg fyllibytta, hann hefur farið regluega í áfengismeðferð og rætt opinskátt um vandamál sitt.

Gascoigne hefur síðan þá svarað fyrir og ákvað nú að skora á bandaríska rapparann í slag. Hann vonar að þeir geti sett á sig hanskana og boxað fyrir gott málefni.

Gascoigne ræddi þetta í þættinum Good Morning Britain á dögunum en þar spjallaði hann vil sjónvarpsmanninn Piers Morgan.

,,Þú ert frægur í Bandaríkjunum og nú er ég það líka. Að þetta komi frá Snoop Dogg, ég er aðdáandi hans. Ég trúi þessu ekki,“ sagði Gascoigne.

,,Ég ætla að boxa við hann fyrir gott málefni. Áfengi gegn grasi, komdu í mig. Ég mun taka hann í hringnum. Ég hef verið að leggja hart að mér í ræktinni eins og venjulega.“

Gascoigne sendi Snoop einnig skilaboð í gegnum Twitter og birti mynd þar sem hann gerir grín að rapparanum heimsfræga.