Francesco Totti, fyrrum leikmaður Roma, er með tilboð í höndunum frá Leeds United.
Totti lagði skóna á hilluna fyrir tveimur árum síðan en hann lék allan sinn feril með Roma og fór svo í stjórn félagsins.
Ítalinn gaf það út að hann væri hættur því starfi á dögunum og er nú með boð um að snúa aftur á völlinn.
Leeds reynir að lokka Totti til sín og vill að þessi 42 ára gamli sóknarmaður taki fram skóna á ný.
Marco Borriello, fyrrum liðsfélagi Totti, staðfesti það í viðtali við TMW að Totti væri með tilboð frá Englandi.
Það er alls ekki víst að Totti sé tilbúinn að byrja að spila á ný en það væri ansi gaman sjá hann reyna fyrir sér í næst efstu deild Englands.