Dirk Kuyt, fyrrum leikmaður Liverpool, er nálægt því að kaupa enskt félag samkvæmt hollenskum miðlum.

Kuyt hefur lagt skóna á hilluna en hann hefur undanfarið starfað fyrir Feyenoord í hollensku úrvalsdeildinni.

Samkvæmt miðlum í Hollandi þá er Kuyt í viðræðum um kaup á Bolton Wanderers sem er félag sem flestir kannast við.

Bolton hefur verið í miklum fjárhagsvandræðum og féll úr ensku Championship-deildinni á síðustu leiktíð.

Kuyt myndi kaupa félagið ásamt umboðsmanninum Rob Jansen en þeir hafa áhuga á að koma liðinu á meðal þeirra bestu á ný.

Kuyt var frábær leikmaður á sínum tíma og er þekktastur fyrir tíma sinn hjá Liverpool þar sem hann mætti Bolton nokkrum sinnum.