Eins og flestir vita þá er lið Chelsea í félagaskiptabanni þessa stundina og má ekki kaupa leikmenn fyrr en næsta sumar.
Bannið kemur ekki á góðum tíma fyrir þá bláklæddu sem misstu Eden Hazard til Real Madrid í sumar.
Liðið getur ekki keypt leikmann í stað Hazard en hefur þó fengið til sín Christian Pulisic frá Dortmund. Þau skipti voru staðfest í janúar.
Chelsea er þekkt fyrir það að kaupa unga leikmenn og lána þá annað en eldri leikmenn eru einnig á láni annars staðar.
Liðið gæti þurft að treysta á leikmenn sem virtust ekki eiga framtíð fyrir sér hjá félaginu áður en bannið varð að veruleika.
Það er áhugavert að skoða þá leikmenn sem gætu spilað stórt hlutverk hjá liðinu á næstu leiktíð.
Tiemoue Bakayoko (á láni hjá AC Milan)
Michy Batshuayi (á láni hjá Crystal Palace)
Kurt Zouma (á láni hjá Everton)
Victor Moses (á láni hjá Fenerbahce)
Tammy Abraham (á láni hjá Aston Villa)
Kenedy (á láni hjá Newcastle)
Reece James (á láni hjá Wigan)
Mason Mount (á láni hjá Derby)
