Manchester United hefur framlengt samning sinn við Juan Mata til ársins 2021. Með möguleika á að framlengja hann svo til 2022.
Flestir töldu að Mata færi frá United í sumar þegar gamli samningur hans var að renna út. Mata var keyptur til United árið 2014 af David Moyes.
,,Það er heiður að að halda áfram að koma fram fyrir þetta frábæra félag, ég verið hjá Manchester United í fimm ár. Ég er stoltur af því að kalla þetta heimili mitt,“ sagði Mata.
Ole Gunnar Solkjær virðist fyrst og fremst horfa á Mata sem góðan kennara fyrir yngri leikmenn.
,,Hann gefur okkur mikið innan vallar en utan vallar erum við með marga frábæra unga leikmenn. Ég veit að reynsla Juan hjálpar þar, til að þeir geti náð sínu besta fram. Ég veit að hæfileikar og hugarfar Mata, mun hjálpa okkur.“
