Valsmenn eru að skoða það að bæta við sig dönskum leikmanni þegar að félagaskiptaglugginn opnar í júlí.
Þetta staðfesti Ólafur Jóhannesson, þjálfari Vals í dag í samtali við 433.is eftir 5-1 sigur á ÍBV.
Leikmaðurinn umtalaði ber nafnið Sebastian Gronning en hann er uppalinn hjá AaB í Danmörku.
Undanfarin tvö ár hefur Gronning spilað með Hobro í úrvalsdeildinni en er nú samningslaus.
,,Það kemur í ljós,“ sagði Ólafur er hann var spurður út í það hvort Gronning væri að koma en hann hefur undanfarið æft með Íslandsmeisturunum.
