Raheem Sterling, leikmaður Manchester City, ákvað að taka áhættu í viðtali við the Mirror í gær.
Sterling mun spila með City í dag gegn Watford í úrslitaleik enska bikarsins á Wembley.
Það kemur kannski á óvart en Sterling var á sínum tíma mikill stuðningsmaður grannnana í Manchester United.
Hann mætti á úrslitaleik enska bikarsins á milli Chelsea og United árið 2007 og studdi þá rauðu út í gegn.
,,Ég var á úrslitaleiknum árið 2007. Ég ætti ekki að segja þetta – sérstaklega ekki núna, alls ekki núna!“ sagði Sterling.
,,Þegar ég var ungur þá var ég gríðarlega mikill stuðningsmaður Manchester United. Ég átti gamla United treyju, frá því þegar þeir unnu bikarinn.“
