Það eru nákvæmlega engar líkur á því að Cristiano Ronaldo sé á förum frá liði Juventus í sumar.

Þetta staðfesti Portúgalinn sjálfur í dag eftir 2-1 heimasigur á Fiorentina og tryggði Juventus sér titilinn.

Juventus var að vinna ítalska meistaratitilinn áttunda árið í röð og er liðið óstöðvandi í Serie A.

Gengið í Meistaradeildinni var þó ekki nógu gott og datt Juventus úr leik á dögunum eftir tap gegn Ajax.

Það breytir því ekki að Ronaldo mun reyna aftur næsta vetur en Juventus hefur ekki unnið deild þeirra bestu síðan 1996.

,,Verð ég áfram hjá Juventus á næsta tímabili? Þúsund prósent,“ sagði Ronaldo eftir leikinn.