Bruno Genesio hefur gefið það út að hann sé að kveðja lið Lyon í frönsku úrvalsdeildinni.
Genesio staðfesti þetta á blaðamannafundi í gær og mun yfirgefa félagið eftir tímabilið.
Genesio er 52 ára gamall en hann verður samningslaus í sumar og mun ekki endurnýja.
Þetta gæti opnað dyrnar fyrir Jose Mourinho að taka við en hann hefur áhuga á að reyna fyrir sér í Frakklandi.
Mourinho gaf það sjálfur út fyrr á árinu en hann hefur verið án starfs síðan í desember er hann var rekinn frá Manchester United.
Lyon ku hafa áhuga á að ræða við Mourinho sem og Laurent Blanc, fyrrum þjálfara Paris Saint-Germain.
