Danny Drinkwater, leikmaður Chelsea á Englandi, var handtekinn um helgina en hann er grunaður um ölvunarakstur. Atvikið átti sér stað í fyrrinótt.
Drinkwater er 29 ára gamall en hann skemmti sér í partýi ásamt lögfræðingnum Beth Mantel samkvæmt enskum miðlum. Þessi fyrrum leikmaður Leicester í kuldanum hjá Chelsea þessa dagana og fær ekkert að spila með félaginu.
Hann klessti Ranger Rover bifreið sína á annan bíl undir áhrifum áfengis en sem betur fer slasaðist enginn alvarlega. Emma Brown er eigandi Skoda bifreiðar sem Drinkwater klessti á og hlaut hún minniháttar meiðsli.
Drinkwater og Mantel voru saman í bíl er áreksturinn átti sér stað en þóttu sleppa ansi vel. Allir aðilar voru fluttir á sjúkrahús en enginn alvarlega slasaður. Mantel er stjörnulögfræðingur en hún og Drinkwater létu vel af hvort öðru framan af kvöldi.
Hann á að baki þrjá landsleiki fyrir England en var síðast valinn í hóp fyrir þremur árum síðan.
