Gary Neville, fyrrum leikmaður Manchester United, hefur tjáð sig um titilbaráttuna á milli Manchester City og Liverpool.

Margir tala um að þessi lið megi ekki misstíga sig í lokaleikjunum en annars eiga þau í hættu á að missa af titlinum.

City á eftir að spila við granna sína í Manchester United í leik sem gæti spilað stórt hlutverk í baráttunni.

Neville er þó ekki sammála því og telur að það verði alveg jafn erfitt fyrir City að spila gegn Crystal Palace á útivelli.

,,Það eru margir að einbeita sér að grannaslagnum. Stuðningsmenn Liverpool gera það,“ sagði Neville.

,,Stuðningsmenn City hafa áhyggjur af því að það verði erfitt að heimsækj Old Trafford. Þið verðið þó að muna það að City hefur rústað United á Old Trafford undanfarin tímabil.“

,,Næsti útileikur er á sunnudaginn gegn Crystal Palace. Ég tel að það sé alveg jafn hættulegt verkefni.“

,,Það er svona lið sem getur komið þér á óvart. Þú ímyndar þér hvað gerist í þessum leik en það er mjög erfitt að gera það.“