Hörður Snævar Jónsson skrifar frá París:

Íslenska landsliðið átti ekki séns, þegar liðið heimsótti besta lið í heimi, Frakkland í undankeppni EM í París í kvöld.

Íslenska liðið reyndi sitt besta en það dugði ekki til, Frakkar eru númeri of stórir eins og staðan er í dag.

Samuel Umtiti kom heimamönnum yfir í fyrri hálfleik með skalla eftir fyrirgjöf frá Kylian Mbappe. Það var svo í síðari hálfleik sem Olivier Giroud komm heimamönnum í 2-0. Mbappe bætti svo við þriðja markinu á snyrtilegan hátt.

Antoine Griezmann kláraði svo leikinn með fjórða markinu, Ísland átti aldrei séns.

Plús og mínus er hér að neðan.

Plús:

Albert Guðmundsson fékk stórt tækifæri í erfiðu verkefni, hann gerði hins vegar oft vel með boltann. Var einnig vinnusamur, þessi frammistaða og sérstaklega í fyrri hálfleik, ætti að gefa honum stærra hlutverk.

Það eru ekki úrslitin á Stade de France sem ráða því hvort Ísland fari á EM, nú er að sækja sex stig gegn Tyrklandi og Albaníu á heimavelli í sumar.

Það jákvæða úr þessu verkefni er sigurinn í Andorra, leikurinn í kvöld var of stórt verkefni fyrir laskað íslenskt lið.

Mínus:

Sverrir Ingi Ingason, svaf á verðinum í marki Samuel Umtiti. Þessi öflugi varnarmaður þarf að fara að finna sitt besta form með landsliðinu, hæfileikarnir eru til staðar.

Of oft finnst blaðamanni eins og Hörður Björgvin Magnússon, sé ekki alveg með einbeitinguna í lagi. Staðsetur sig á köflum vitlaust og lendir á eftir.  Getur betur.

5-3-2 kerfið sem Erik Hamren ákvað að nota í kvöld, gerði íslenska liðinu erfiðari fyrir í sóknarleiknum. Þegar við sóttum var það á fáum mönnum, og oft mjög langt í markið.

Ísland gerði jafntefli við Frakkland í október með 4-5-1 kerfinu, þar var bæði varnar og sóknarleikur mikið betri. Slæm ákvörðun hjá Hamren og aðstoðarmönnum hans.

Fleiri varnarmenn er ekki áskrift á betri varnarleik, fjögurra manna varnarlína hentar íslenska liðinu betur.

Hvernig íslenska liðið gaf eftir þegar á leið, var slæmt. Létu berja sig niður í jörðina eins.