Hörður Snævar Jónsson skrifar frá París:

Íslenska landsliðið kom til Parísar í fyrrakvöld og mun leika gegn Frakklandi í undankeppni EM í kvöld. Einn besti maður liðsins, Jóhann Berg Guðmundsson, verður frá vegna meiðsla.

Íslenska liðið, vann góðan sigur á Andorra á föstudag og kemur til Parísar, þar sem stig eða sigur væru algjör bónus.

Hvort íslenska liðið komist í lokakeppni EM, stendur hvorki né fellur með því hvað gerist á morgun. Íslenska liðið hefur þó hins vegar oftar en ekki átt sína bestu leiki á erfiðum útivöllum, nægir að nefna sigra í Hollandi og Tyrklandi.

Fróðlegt verður að sjá leikinn í kvöld en franskir miðlar eru ekki vissir um hvort Samuel Umtiti geti byrjað, hann hefur verið að glíma við meiðsli.

Líklegt byrjunarlið:
Lloris – Pavard, Varane, Umtiti (Eða Kimpembe), Kurzawa – Pogba, Kanté – Mbappé, Griezmann, Matuidi – Giroud