Það fór fram góðgerðarleikur á Anfield um helgina er lið Liverpool spilaði við AC Milan þar sem goðsagnir komu við sögu.
Þessi lið áttust við í úrslitum Meistaradeildarinnar árið 2005 er Liverpool bauð upp á ótrúlega endurkomu og vann að lokum í vítakeppni.
Það voru ófáir frábærir leikmenn sem tóku þátt en Liverpool hafði að lokum betur 3-2 í spennandi leik.
Michael Owen lék með liði Liverpool í leiknum en hann hóf ferilinn hjá félaginu og fór síðar til Real Madrid.
Owen ákvað svo að spila fyrir erkifjendur Liverpool í Manchester United seinna á ferlinum sem var ekki vinsæl ákvörðun.
Það var baulað á Owen á Anfield á laugardaginn en stuðningsmenn Liverpool hafa engu gleymt og hafa ekki fyrirgefið honum.
Owen starfar í dag fyrir sjónvarpsstöðina BT Sport og lýsir reglulega leikjum í ensku úrvalsdeildinni.