Framherjinn Umar Sadiq talar ekki vel um lið Rangers í Skotlandi og stjóra liðsins, Steven Gerrard.

Sadiq kom til Rangers á láni frá Roma síðasta sumar en spilaði aðeins fjóra leiki áður en hann var sendur aftur til baka í desember.

Gerrard hafði ekki mikinn áhuga á að nota Sadiq og var komið illa fram við hann í þessa nokkra mánuði.

,,Þegar ég kom þangað þá fékk ég engan tíma til að aðlagast áður en þeir fengu inn annan framherja, Kyle Lafferty,“ sagði Sadiq.

,,Þá byrjuðu vandamálin og áður en ég vissi af þá var ég að upplifa alvöru martröð hjá félaginu.“

,,Mér var sagt að ég gæti ekki notað búningsklefa aðalliðsins. Ég átti að skipta um föt með krökkunum.“

,,Svo nokkrum dögum eftir það þá var mér bannað að nota bílastæðið á æfingasvæðinu.“

,,Þetta var svo niðurlægjandi og ég spurði ítrekað hvað væri í gangi. Ég fékk engin svör til baka.“

,,Gerrard vildi ekki gefa mér nein svör. Ég fékk ekki alvöru tækifæri til að sanna mig. Það var eins og þeir þekktu mig ekki.“