Virgil van Dijk, leikmaður Liverpool, hefur útskýrt hvernig er að vinna með Jurgen Klopp, stjóra liðsins.

Klopp fékk Van Dijk til félagsins í fyrra en Hollendingurinn skrifaði undir í janúar eftir dvöl hjá Southampton.

Van Dijk segir að Klopp sé ekkert lamb að leika sér við á æfingasvæðinu og er alltaf hreinskilinn við sína leikmenn.

,,Hann er mjög harður við mig og hann gefur mér sjálfstraust þegar ég þarf á því að halda,“ sagði Van Dijk.

,,Hann veit að það eru hlutir sem er hægt að bæta. Hann mun ekki breytast, hann er eins og hann er.“

,,Hann er eins og þú sem leikmaður: hann er ánægður þegar hlutirnir ganga vel en getur orðið mjög reiður ef illa gengur.“

,,Hann er mjög ástríðufullur. Hann segir þér alltaf sannleikann. Hann er alltaf hreinskilinn og það er eitthvað sem mér líkar vel við.“

,,Við fundum oft á tímabilinu og hann er svo sannarlega ekki ánægður með alla hluti.„