Það er hægt að spyrja sig að því af hverju miðjumaðurinn Denis Suarez var fenginn til Arenal í janúar.
Unai Emery, stjóri Arsenal, vildi mikið fá Suarez til félagsins í janúar á láni frá Barcelona.
Suarez hefur þó nánast ekkert spilað síðan þá og hefur rétt tæplega spilað yfir 90 mínútur í alls sex leikjum.
John Cross, blaðamaður the Mirror, skilur ekki þessi viðskipti Arsenal en Suarez virðist ekki eiga framtíð fyrir sér á Emirates.
Cross ræðir á meðal annars undarleg skipti Kim Kallstrom til Arsenal en hann var óvænt lánaður til félagsins árið 2014.
,,Það er erfitt að finna undarlegri félagaskipti í janúar en skipti Denis Suarez,“ stendur í grein Cross.
,,Af hverju Arsenal ákvað að reyna svo grimmt við að fá Suarez á láni er ráðgáta því það er eins og hann hafi verið fenginn til að halda bekknum heitum.“
,,Við getum orðað þetta svona; það er hægt að nefna Kim Kallstrom sem fékk marga stuðningsmenn Arsenal til að hlæja eða gera grín að Arsene Wenger.“
,,Kallstrom gerði þó eitthvað á þessum undarlega tíma árið 2014, eitthvað sem Suarez á eftir að gera. Það er að byrja leik.“
,,Kallstrom spilaði fleiri mínútur en Suarez hefur gert – Spánverjinn hefur spilað 95 mínútur samanlagt sem varamaður. Það veit enginn af hverju hann er þarna.“