Það er algengt að knattspyrnumenn leggji skóna á hilluna eftir þrítugt en örfáir spila þar til þeir fagna fertugsafmælinu.

Líkaminn fer að kalla þetta gott á þeim tíma enda ekkert grín að hlaupa upp og niður völlinn í 90 mínútur.

Elsti knattspyrnumaður Bretlands er hins vegar enn að, það er markvörðurinn Colin Lee.

Lee hefur allt sitt líf stundað knattspyrnu en hann er 79 ára gamall í dag og spilar í sunnudagsdeildinni á Englandi.

Það er áhugamannadeild og fá leikmenn ekkert borgað fyrir að spila. Lee spilar þar með syni sínum og barnabarni.

,,Ég elska að kasta mér um eins og brjálæðingur. Eins ótrúlegt og það hljómar hef ég aldrei meiðst alvarlega í meira en 70 ár,“ segir Lee.

,,Ég verð 80 ára gamall í janúar og er ekki að plana það að hætta. Ég mun spila eins lengi og líkaminn leyfir og auðvitað ef ég er valinn í liðið.“

Hér má sjá myndir af Lee.