Rio Ferdinand, fyrrum leikmaður Manchester United, vonar innilega að Liverpool fagni ekki sigri í ensku úrvalsdeildinni í maí.

Baráttan er á milli Liverpool og Manchester City en það fyrrnefnda er með tveggja stiga forskot á toppnum þessa stundina.

Ferdinand er ekki aðdáandi þessara liða en vonar þó frekar að City taki titilinn enda hefur hann orðið vitni af því áður.

,,Þetta er eins slæmt og það gerist fyrir einvhern sem styður Manchester United og hefur spilað fyrir félagið,“ sagði Ferdinand.

,,Ég er sparkspekingur í dag og verð að tala um þetta opinberlega. Svo af tvennu illu þá er betra ef Manchester City myndi vinna því ég hef upplifað það áður.“

,,Ég hef séð það sem leikmaður og aðdáandi svo ég get tekist á við það andlega.“

,,Liverpool er önnur saga. Ég heyri af stuðningsmönnum sem ég vissi ekki einu sinni að væru stuðningsmenn Liverpool og eru nú að tjá sig í fyrsta sinn í 20 ár.“

,,Það myndi særa mig mun meira ef þeir vinna deildina en besta liðið mun vinna og hver sem stendur uppi sem sigurvegari hefur gert vel.“