Móðir miðjumannsins Adrien Rabiot sem spilar með Paris Saint-Germain er brjáluð út í franska félagið.

Veronique Rabiot er móðir lekmannsins en hún starfar einnig sem umboðsmaður og sér um hans mál.

Rabiot hefur ekki viljað skirfa undir nýjan samning við PSG og hefur ekki leikið með liðinu síðan þann 11. desember.

Það er aðens vegna þess að leikmaðurinn vill ekki skrifa undir og var honum einnig refsað fyrir að skella sér út á lífið án leyfis á síðasta ári.

,,Ég vil ekki gráta útaf þessu eða gera Adrien veikari með því að segja að hann sé ekki nógu góður,“ sagði Veronique.

,,Við erum að ráðast á manneskjur hérna. Ég get bara sagt ykkur að honum líður illa yfir því sem hefur gerst.“

,,Adrien er í fangelsi. PSG heldur honum föstum. Bráðum fær hann þurrt brauð, vatn og er fastur í geymslu. Þetta er mjög kalt umhverfi.“

,,Fótboltamaður verur að fá að spila, hann á ekki heima á hillunni. Adrien hefur ekkert spilað síðan í desember og mun líklega ekki spila þar til í júní.“