Patrice Evra, fyrrum leikmaður Manchester United, sá leik liðsins við Paris Saint-Germain í Meistaradeildinni fyrr í mánuðinum.
United mætti grimmt til leiks í seinni leik liðanna í 16-liða úrslitum Meistaradeildarinnar og vann 3-1 sigur og komst áfram.
Evra var staddur í stúkunni í París og tók myndband af sér á leiknum þar sem hann talar ekki vel um frönsku meistarana.
,,Meira að segja frændi minn sem er hérna fyrir framan bílinn er pirraður. París, þið eruð hommar, ekkert nema hommar, ég er að segja ykkur það,“ sagði Evra.
,,Við spiluðum D-liðinu gegn ykkur og unnum. Það voru krakkar sem spiluðu leikinn, þeir voru vanir að hreinsa skóna mína.“
,,Þeir eru ekki einu sinni komnir með sæðisfrumur. París, þið eruð aumingjar, Manchester United, það eru karlmenn.“
PSG íhugar nú að kæra fyrrum franska landsliðsmanninn sem hefur þó beðist afsökunar á ummælum sínum.
