Jarred Gillett er ekki nafn sem margir kannast við en hann er dómari sem dæmir í Ástralíu.

Hann er nú að færa sig um set og mun dæma í ensku Championship-deildinni á næstu leiktíð.

Gillett hefur lengi verið talinn einn færasti dómari Ástralíu og tekur stórt stökk því enska deildin er töluvert stærri.

Hann dæmdi sinn síðasta leik nú á dögunum er Melbourne Victory og Brisbane Roar áttust við.

Í tilefni af því þá var Gillett með míkrafón á sér í leiknum og var hægt að heyra allt sem hann hafði að segja í leiknum.

,,Á ég að koma þarna til að selja þetta? Leikmennirnir eru að búast við marki,“ sagði Gillett á meðal annars við dómara í VAR herberginu er umdeilt mark var skorað.

Gillett fór þá að hliðarlínunni til að skoða atvikið til að sannfæra leikmenn um það að hann væri með stjórn á hlutunum.

Ansi skemmtilegt en myndband af þessu má sjá hér.