PSG hefur ákveðið að setja Adrien Rabiot, miðjumann félagsins í tímabundið leyfi frá störfum. Ástæðan er fyllerí sem hann skellti sér á.

PSG tapaði 3-1 gegn United á heimavelli sínum í Frakklandi í síðustu viku gegn Manchester United, eftir að hafa unnið fyrri leikinn 2-0 úti.

Það var Marcus Rashford sem tryggði United áfram en hann skoraði úr vítaspyrnu á 94. mínútu leiksins.

Adrien Rabiot, leikmaður PSG, var ekki með liðinu í gær en hann fær ekkert að spila þessa dagana. Þessi 23 ára gamli leikmaður horfði þó á PSG tapa leiknum og var ekki lengi að reyna að gleyma því tapi.

Rabiot er á förum frá PSG í sumar en hann hefur neitað að skrifa undir nýjan samning við félagið.

Myndband og myndir birtust af Rabiot í síðustu viku þar sem má sjá hann skemmta sér á næturklúbbi í París beint eftir leik.

Miðað við fregnir þá var Rabiot í annarlegu ástandi og hafði fengið sér þónokkra drykki.

,,Honum er drullu sama,“ skrifar einn aðdáandi PSG á Instagram síðu Isaac Hadded sem birti myndbandið.