Erik Hamren landsliðsþjálfari Íslands hefur valið hóp sinn fyrir fyrsta verkefni liðsins í undankeppni EM. Liðið mætir Andorra á föstudag í næst viku og þremur dögum síðar er leikur við Heimsmeistara Frakka, í París.
Hamren á eftir að vinna sinn fyrsta leik í starfi en hann tók við síðasta haust. Emil Hallfreðsson, Jón Daði Böðvarsson og fleiri leikmenn eru frá vegna meiðsla.
Alfreð Finnbogason er í hópnum en ef hann spilar ekki með Augsburg í þýsku úrvalsdeildinni um helgna, er óvíst með þáttöku hans. Alfreð hefur ekki spilað vegna meiðsla síðustu vikur.
Lítið óvænt er i vali en Kolbeinn Sigþórsson er ekki í hópnum, Hamren hefur bara tvo hreinræktaða framherja í sínum hópi. Það vekur athygli, sérstaki í ljós þess að Alfreð er ekki heill heilsu.
Ísland hefur mætt Andorra fimm sinnum og unnið alla leikina, með markatöluna 14-0. Síðast léku liðin 14. nóvember 2012 og endaði sá leikur með 2-0 sigri Íslands, en leikið var ytra. Sex leikmenn sem eru í hópnum í dag tóku þátt í þeim leik.
Ísland hefur mætt Frakklandi 13 sinnum. Fjórir leikir hafa endað með jafntefli og Frakkland hefur unnið 9. Liðin mættust síðast 11. október 2018 og endaði sá leikur með 2-2 jafntefli.
Hópinn má sjá í heild hérna.
Hópurinn
Hannes Halldórsson | Qarabag
Rúnar Alex Rúnarsson | Dijon
Ögmundur Kristinsson | Larissa
Birkir Már Sævarsson | Valur
Hörður Björgvin Magnússon | CSKA Moscow
Ari Freyr Skúlason | Lokeren
Kári Árnason | Genclerbirligi
Ragnar Sigurðsson | Rostov
Sverrir Ingi Ingason | PAOK
Jón Guðni Fjóluson | Krasnodar
Hjörtur Hermannsson | Bröndby
Birkir Bjarnason | Aston Villa
Aron Einar Gunnarsson | Cardiff
Gylfi Sigurðsson | Everton
Rúnar Már Sigurjónsson | Grasshopper
Guðlaugur Victor Pálsson | Darmstadt
Albert Guðmundsson | AZ Alkmaar
Arnór Ingvi Traustason | Malmö
Arnór Sigurðsson | CSKA Moscow
Jóhann Berg Guðmundsson | Burnley
Rúrik Gíslason | Sandhausen
Alfreð Finnbogason | Augsburg
Björn Bergmann Sigurðarson | Rostov
