Paul Merson fyrrum leikmaður Arsenal og enska landsliðsins er fallinn, hann hefur byrjað á gömlum ósið, hann er byrjaður að stunda veðmál af miklum krafti á nýjan leik. Vandamál sem kom honum í slæm mál á árum áður.

Merson er veðmálafíkill og fíkn hans hefur komið honum í vonda stöðu áður, hans fyrsta hjónaband sprakk árið 1996 vegna fíknarinnar. Þá var hann skuldum vafinn eftir að fíknin náði föstum tökum á honum.

Merson segir svo frá þvi í sjónvarpsþætti á ITV í Bretlandi að fíknin hafi náð honum aftur, hann sé nú að veðja ansi mikið.

,,Ég er í vandræðum með lífið þessa stundina, ég er í miklum vanda,“ sagði Merson í viðtalinu og grét þegar hann sagði frá.

Merson er sjö barna faðir. ,,Lífið er að hrynja, ég hef tapað allri stjórn á veðmálum á nýjan leik. Ég hef gjörsamlega tapað mér. Ég er að grafa holu og kemst ekki út úr henni.“

Merson segir að þetta sé versta fíkn í heimi. ,,Þetta er versta fíknin, þetta er svo þreytandi að það er ótrúlegt.“

,,Þetta tekur svo á andlega, ég sit þarna og hugsa bara hvar ég get næst grætt peninga. Þetta er eins og að vera krakk fíkill, þetta er eins og það.“

,,Ef þú ert krakk fíkill þá getur þú samt ekki eytt svona fjármunum, það væri ómögulegt.“

Merson sagði frá því að hann hafi tapað þremur milljónum eina helgina. ,,Ég er bara heiðarlegur, ég á í miklum vanda. Mér finnst þetta erfitt, ég er komin á sama stað og fyrir mörgum árum.“

,,Ég er bara að veðja öllum stundum, ég kann ekki vel við mig svona. Ég er hræddur, lífið mitt ætti að vera gott. Ég á falleg börn, yndislega konu og lífið ætti að vera gott.“

,,Ég brotnaði bara saman í leigubílnum á leiðinni hingað, ég hef fengð nóg. Ég verð að gera eitthvað.“