Thierry Courtois, faðir Thibaut Courtois, er orðinn þreyttur á gagnrýni sem sonur hans fær frá fjölmiðlum.

Thibaut hefur verið mikið gagnrýndur í vetur en hann samdi við lið Real Madrid frá Chelsea í fyrra.

Hann hefur ekki þótt standa undir væntingum og fékk fjögur mörk á sig í 4-1 tapi gegn Ajax í Meistaradeildinni í síðustu viku.

,,Mér líður eins og allir séu á eftir Thibaut. Spænska pressan og nú þið,“ sagði Thierry við belgíska miðilinn Het Laatste Nieuws.

,,Sem faðir þá get ég ekki hundsað þetta. Markmaðurinn er alltaf fyrsta skotmarkið.“

,,Það er partur af starfinu. Hvort það sé rétt eða rangt, ég leyfi ykkur að dæma það.“

,,Í leiknum gegn Ajax þá var skotið á hann eftir fjórða mark Ajax, hann hafði spilað vel. Þessi einu mistök hefur haft stór áhrif.“

,,Ég sé hvað blaðamenn vilja syni mínum. Ég er í vandræðum með það en Thibaut er betri.“