Jack Grealish, leikmaður Aston Villa, lenti í hrikalegu atviki í leik gegn Birmingham í gær. Grealish er uppalinn hjá Villa og hefur allan sinn feril leikið með liðinu. Hann er 23 ára gamall.

Grealish byrjaði leikinn í gær gegn grönnunum í Birmingham en ráðist var á hann í fyrri hálfleik. Stuðningsmaður heimaliðsins hljóp þá inn á völlinn og kýldi Grealish sem vissi ekki af neinu fyrr en hann lá í jörðinni.

Stuðningsmaðurinn var umsvifalaust tekinn í burt og á væntanlega von á harðri refsingu líkt og félagið sem hann styður. Nú er búið að nafngreina þennan stuðningsmann en hann heitir Paul Mitchell og er á leið í lífstíðarbann.

Mitchell vinnur á skemmtistað í Tamworth og á hann á hættu á að missa starfið eftir þessa hegðun sína í dag. Það var Grealish sem átti síðasta orðið, hann skoraði sigurmark Villa í 1-0 sigri á útivelli.

Það er að færast í aukana að áhorfendur hlaupi svona inn á völlin og áreiti leikmenn. Núna er fólk farið að áttast að fyrsta hnífstungan fari að líta dagsins ljós.

,,Það kemur sá tímapunktur sem hnífur verður með, munum við þá fyrst taka eftir þessu. Það er mikil aukning í árásum með vopn hjá fólki í dag,“ sagði Martin Samuel hjá Daily Mail.

,,Hnífaárásir voru 16 prósent fleiri árið 2018 en árið á undan og átta prósentum hærra yfir landð allt.“

Knattspyrnumenn hafa fordæmt þessa hegðun og þar á meðal er einn besti leikmaður Englands, Raheem Sterling. ,,Heimskingi ársins, til hamngju með lífstíðar bann,“ skrifaði Sterling.