Þeir Thomas Muller, Jerome Boateng og Mats Hummels munu ekki spila aftur fyrir þýska landsliðið.

Þeir spila ekki fyrir liðið á meðan Joachim Low er landsliðsþjálfari en hann hefur ákveðið að sparka þeim endanlega úr liðinu.

Low greindi frá þessu í gær en leikmennirnir hafa lengi verið stór partur af liðinu.

Muller skilur ekki þessi vinnubrögð Low og er mjög ósáttur við hvernig komið var fram við hann og liðsfélaga sína hjá Bayern Munchen.

,,Ég skil ekki af hverju þessi ákvörðun þarf að vera endanleg. Ég var í sjokki því þessi ákvörðun kom eins og þruma úr heiðskíru lofti,“ sagði Muller.

,,Landsliðsþjálfarinn þarf að taka ákvarðanir, ég efast ekki um það. Ég, Mats og Jerome getum þó enn spilað fótbolta í hæsta gæðaflokki.“

,,Saman með þýska landsliðinu höfum við komist langt og höfum mest megnis náð góðum árangri síðustu ár.“

,,Stuttu eftir þessa ákvörðun þá lásum við tilkynninguna. Þetta er ekki rétta leiðin til að fara að þessu og þér finnst þú svo sannarleg ekki vera mikilvægur.“

,,Ég klæddist landsliðstreyjunni alltaf stoltur. Ég gaf allt mitt í verkefnið. Ég horfi nú fram á við, ég er stríðsmaður. Þetta er ekki búið.“