Markmaðurinn Elías Rafn Ólafsson reyndist hetja U19 liðs Midtjylland frá Danmörku sem mætti Roma í dag.
Elías var í marki Midtjylland sem spilaði við Roma í Danmörku en um var að ræða leik í Meistaradeildinni.
Þessi 19 ára gamli leikmaður kom til Midtjylland í fyrra en hann samdi við liðið frá Breiðabliki.
Leik dagsins lauk með 1-1 jafntefli og þurftu úrslitin því að ráðast í vítakeppni, um hver færi áfram í 16-liða úrslitin.
Elías gerði sér lítið fyrir og varði tvö víti af fjórum í vítakeppninni og reyndist hetja dagsins.
