Forráðamenn Nantes í Frakklandi virðast vera duglegir við að láta fréttamenn þar í landi vita hversu há laun Kolbeinn Sigþórsson, framherji félagsins er með.

Reglulega eru fréttir þess efnis í Frakklandi að Kolbeinn sé launahæsti leikmaður liðsins, framherjinn knái fær ekkert að spila hjá félaginu.

Waldemar Kita, forseti Nantes keypti Kolbein til félagsins árið 2015 frá Ajax. Framherjinn var gerður að launahæsti leikmanni félagsins þá og er það enn í dag.

Búist var við því að Kolbeinn færi frá Nantes í janúar en það gerðist ekki, hann er í vondri stöðu og fær ekkert að spila. .

Um helgina fjölluðu franskir miðlar um það að Nantes væri í tíunda sæti yfir félög í efstu deild Frakklands, þegar kemur að launagreiðslum.

Nantes borgar leikmanni að meðaltali 55 þúsund evrur í laun á mánuði. Kolbeinn er hins vegar sagður vera með 150 þúsund evrur á mánuði, fyrir skatt. Um er að ræða rúmar 20 milljónir íslenskra króna.

Það er rúmum þremur milljónum meira á mánuði en næst launahæsti leikmaður liðsins samkvæmt frönskum miðlum.

Anthony Limbombé er dýrasti leikmaður í sögu Nantes en hann þénar 75 þúsund evrur á mánuði, helmingi minna en framherjinn knái frá Íslandi.