Jamie Vardy, framherji Leicester er reiður og pirraður þessa dagana eftir að rúmlega sex milljónum var stolið af honum.

Vardy ætlaði að kaupa sér Lamborghini Urus, bifreið og hafði samband við fyrirtæki sem ætlaði að sjá um það. Vardy lagði út 40 þúsund pund eða rúmar 6 milljónir.

Framherjinn knái átti svo að borga 129 þúsund pund þegar bíllinn yrði afhentur en Lamborghini Urus bíllinn er nýlega kominn á markað og er eftirsótt vara.

Fyrirtækið sem ætlaði að redda bílnum fyrir Vardy er hins vegar farið á hausinn, hann hefur hvorki séð peningana sína eða bílinn sem hann ætlaði að fá sér.

Eigandi fyrirtækisins segist vera í peninga vandræðum en lofar að borga Vardy til baka. Vardy sættir sig ekki við þetta og hefur haft samband við lögreglu og lögfræðinga, hann vill fá aurana sína aftur í hvelli.