Knattspyrnumaðurinn Emiliano Sala lést í síðasta mánuði en hann var farþegi í flugvél sem ferðaðist til Cardiff.

Sala var nýbúinn að skrifa undir samning við Cardiff og átti að ganga í raðir liðsins frá Nantes.

Sala ferðaðist með lítilli flugvél ásamt flugmanninum David Ibbotson en hún hefur hrapað og var fundin á sjávarbotni.

Nú hefur það verið staðfest að Sala hafi látið lífið vegna höfuðmeiðsla og þurfti að bera kennsl á líkið út frá fingraförum.

Enn er ekki búið að finna lík Ibbotson en líkamsleifar af Sala fundust í flugvélinni sem var á sjávarbotni.

Sala var jarðaður í heimalandi sínu, Argentínu um helgina en fjölmennt var í athöfn kappans. Salah átti hund en það var hans besti vinur, samband þeirra var einstakt.

Hundurinn var mættur í athöfnina en var fyrir utan kirkjuna, þar mátti sjá hann afar sorgmæddan. Sumir segja að hundur sé besti vinur mannsins, það átti við í þessu tilfelli.

Mynd af hundinum má sjá hér að neðan.