Neil Lennon, fyrrum stjóri Celtic í Skotlandi, hefur tjáð sig um varnarmanninn Virgil van Dijk sem var eitt sinn hjá félaginu.

Van Dijk kom til Celtic frá hollenska liðinu Groningen og fór svo síðar til Southampton og Liverpool.

Lennon vissi það strax að Van Dijk yrði ekki lengi hjá félaginu en hann þykir vera einn öflugasti varnarmaður heims í dag.

,,Það kom mér verulega á óvart að enginn hafi reynt við hann fyrr er hann var hjá Celtic,“ sagði Lennon.

,,Eftir einn dag þá tók ég hann til hliðar og sagði: ‘Þú verður ekki hérna lengi svo reyndu að njóta þín.’

,,Hann var bara það góður., Ég trúi ekki hversu heppnir við vorum að fá hann frá Groningen fyrir tvær milljónir.“