Sonur Cristiano Ronaldo hefur ekki náð níu ára aldri en samt sem áður byrjaður að vekja mikla athygli fyrir frammistöðu sína á knattspyrnuvellinum.
Cristiano Ronaldo Jr. mun fagna 9 ára afmæli sínu í sumar en líkt og pabbi sinn, þá skipti hann um félag síðasta sumar. Guttinn, leikur með Juventus og spilar þar með U9 ára liði félagsins.
Augljóst er að drengurinn hefur fengið eitthvað af hæfileikum pabba síns því hann hefur skorað 58 mörk á þessu tímabili. Það er ekki öll sagan því Ronaldo Jr. knái hefur bara spilað 23 leiki.
Hann virðist markagráðugur eins og faðir sinn en hann hefur lagt upp 18 mörk fyrir liðsfélaga sína, hann er þekktur fyrir sín þrumuskot en lætur liðsfélagana stundum njóta góðs af.
Ljóst er að mikið verður fylgst með þessum unga strák í framtíðinni og hann mun þurfa að þola samanburð við pabba sinn. Ronaldo hefur verið einn besti knattspyrnumaður síðustu tíu árin.
Hér að neðan má sjá myndband með töktum kappans.
Tölfræði Cristiano Ronaldo Jr.
23 leikir
58 mörk
18 stoðsendingar
