Það er lítið álag á leikmönnum Liverpool þessa dagana og nýtir Jurgen Klopp, stjóri félagsins það vel.
Á dögunum fór Klopp með strákana sína til Dubai og þar sem Liverpool á ekki leik fyrr en um miðja næstu viku, fór Klopp aftur í sólina í gær.
Leikmenn Liverpool munu æfa á Marbella á Spáni næstu daga, þar undirbúa þeir sig fyrir leik gegn FC Bayern.
Klopp var einnig duglegur að fara í sólina á síðustu leiktíð, þar nýtur hann sín vel.
Ástæða fyrir þessu litla álagi á Liverpool er sú staðreynd að liðið féll úr leik í fyrsta leik í enska bikarnum.