Geir Þorsteinsson, fyrrum formaður KSÍ, er óánægður við þá gagnrýni sem hann hefur fengið undanfarið.

Geir býður sig fram til formanns á ný en ársþing KSÍ fer fram á laugardag og er baráttan á milli Geirs og Guðna Bergssonar.

Margir hafa stutt Guðna opinberlega og á meðal þeirra knattspyrnukonurnar Sara Björk Gunnarsdóttir og Dagný Brynjarsdóttir.

Dagný sendi Guðna stuðningsyfirlýsingu í gær og segir að samband kvennalandsliðsins og KSÍ hafi verið mun meira eftir komu hans.

Geir hefur nú svarað fyrir sig en hann ræddi við Fréttablaðið og hafði þetta að segja um málið.

,,Mér finnst það ekki vera í verkahring lansliðsmanna að tjá sig um þá baráttu um hver verði formaður knattspyrnusambands Ísland. Mér finnst það svipað og ég væri að gagnrýna leikmenn opinberlega fyrir mistök inni á knattspyrnuvellinum. Mér finnst þetta taktlaust,“ sagði Geir.

„Ég held nú líka að verk mín tali í þessum efnum. Undir minni stjórn voru tekin mörg framfaraskref í íslenskri kvennaknattspyrnu. Á meðan ég var formaður fórum við þrisvar sinnum í lokakeppni Evrópumótsins. Það hefði ekki gerst ef ég hefði ekki látið til mín taka á þeim vettvangi.“

„Ég mætti á alla heimaleiki íslenska kvennalandsliðsins þegar ég var formaður. Það var sú verkaskipting við lýði að Gunninga [Sívertsen] varaformaður sá um að mæta fyrir okkar hönd á verkefni liðsins á erlendum vettvangi. Við skiptum því þannig að ég sá meira um karlaliðið og hún um kvennaliðið. Ég varð ekki var við óánægju með það verkskipulag.“

„Ég ber mikla virðingu fyrir þessum frábæru leikmönnum og þeirra verkum fyrir landsliðið. Það er hins vegar mín skoðun að þeir eigi að einbeita sér að því að spila hinn fallega leik. Það er ekki heillavænlegt að leikmenn séu að gagnrýna störf formanns eða blanda sér í kosningabaráttu um verðandi formann,“