KR 3-1 Fylkir
1-0 Pablo Punyed(19′)
2-0 Kennie Chopart(27′)
3-0 Björgvin Stefánsson(víti, 37′)
3-1 Daði Ólafsson(60′)
KR fagnaði sigri í Reykjavíkurmóti karla í kvöld er liðið mætti Fylki í úrslitaleiknum.
Leikurinn fór fram í Egilshöll og vann KR nokkuð sannfærandi sigur á þeim appelsínugulu.
Staðan var 3-0 fyrir KR eftir fyrri hálfleikinn en þeir Pablo Punyed, Kennie Chopart og Björgvin Stefánsson komust á blað.
Fylkismenn löguðu stöðuna á 60. mínútu leiksins er Daði Ólafsson skoraði en það dugði ekki til og lokastaðan 3-1 fyrir KR.
Þetta er í fyrsta sinn frá árinu 2010 sem KR fagnar sigri í keppninni.
