Óli Stefán Flóventsson, þjálfari KA í Pepsi-deild karla, lenti í óhugnanlegu atviki í dag.
Óli var á leiðinni frá Hornafirði til Akureyrar þegar hann lenti í snjóflóði. Hann keyrði inn í lífandi flóð í Hvalnesskriðunum.
Veðrið út um allt land hefur verið mjög erfitt síðustu daga og getur verið stórhættulegt að ferðast enda ekki allir vegir færir.
Óli segir að hann hafi ekki vitað hvert hann var að keyra og áður en hann vissi af þá var hann kominn inn í skaflinn.
Hann fékk svo síðar hjálp frá rútubílstjórum, leiðsögumönnum og erlendum ferðamönnum.
Sem betur fer fór ekki verr í þetta skiptið en Óli lýsti atvikum á Facebook-síðu sinni í dag.
