Ásgeir Börkur Ásgeirsson hefur skrifað undir samning við HK í Pepsi-deild karla.
Þetta staðfesti félagið í kvöld en Ásgeir gerir eins árs langan samning við nýliðana.
Miðjumaðurinn er þekktastur fyrir að hafa spilað fyrir Fylki og lék með liðinu í Pepsi-deildinni síðasta sumar.
Hann hefur einnig reynt fyrir sér erlendis og lék með Sarpsborg og GAIS.
HK tryggði sér sæti í Pepsi-deildinni síðasta sumar og er þetta mikill liðsstyrkur fyrir félagið.
