Maurizio Sarri, stjóri Chelsea, hraunaði yfir sína leikmenn um helgina eftir 2-0 tap gegn Arsenal.

Sarri var virkilega óánægður með viðhorf sinna leikmann og sagði að það væri mjög erfitt að hvetja þá áfram.

Eden Hazard átti ekki sinn besta leik í tapinu um helgina og hefur nú svarað því sem Sarri sagði.

Hann segir að það sé eðlilegt að Sarri sé pirraður og að hann hafi pirrað alla þá þjálfara sem hann hefur unnið með.

,,Ég pirraði ekki bara Conte. Á mínum ferli hef ég pirrað alla mína þjálfara,“ sagði Hazard.

,,Núna er ég að pirra Sarri, ég hef pirrað Mourinho. Þeir hugsa alltaf um að þú þurfir að skora meira, gera meira af hinu og þessu.“

,,Ég mun líka pirra næsta þjálfara sem ég mun vinna undir.“