„Líst vel á þetta,“ segir varnarjaxlinn Ragnar Sigurðsson, landsliðsmaður Íslands í knattspyrnu, á Twitter-síðu sinni. Vísar Ragnar þarna í fréttir um framboð Guðna Bergssonar til formanns Knattspyrnusambands Íslands en Guðni tilkynnti í morgun að hann ætlaði fram.

Svo virðist vera sem Ragnar, sem er einn af lykilmönnum landsliðsins, styðji framboð Guðna en ljóst er að framundan er harður slagur um formannsembættið. Fjölmargir hafa tjáð sig um framboð Guðna á Twitter og sitt sýnist hverjum.

Óskar Hrafn Þorvaldsson, knattspyrnuþjálfari og starfsmaður Fréttatímans, er einn af þeim sem leggur orð í belg. Hann er þeirrar skoðunar að Guðni eigi ekki möguleika gegn Geir. „Ég held að Guðni eigi ekki möguleika gegn Geir nema formaðurinn sé með lík í lestinni sem fljóta upp á yfirborðið fyrir formannskosningar.“

Hér má sjá brot af umræðunni á Twitter: