Dele Alli er ein skærasta stjarna enska fótboltans, hann er lykilmaður í liði Tottenham og enska landsliðsins.
Englendingar eru enn að jafna sig eftir kvöldið fagra í Nice, árið 2016. Þegar litla Ísland, sendi stórþjóðina, England heim af Evrópumótinu.
Dele Alli var í byrjunarliði Englands í leiknum og á dögunum fór hann yfir það, hvað hann gerði að leik loknum.
Ísland vann 2-1 sigur í Nice. Wayne Rooney kom enska liðinu yfir áður en Ragnar Sigurðsson og Kolbeinn Sigórsson skoruðu fyrir Ísland.
Dele Alli viðurkennr í dag að hann hafi grátið eftir leikinn. ,,Það hafa komið augnablik þegar ég hef spilað með Englandi og grátið eftir leik, það var hræðilegt,“ sagði Dele.
,,Það var eftir að keppni okkar á EM lauk, það var hræðiðleg tilfinning.“
Umræðan byrjar eftir um 4 mínútur hér að neðan.