Virgil van Dijk, varnarmaður Liverpool hefur elskað lífið hjá félaginu. Hollenski varnarmaðurinn gekk í raðir Liverpool fyrr ári síðan.
Van Dijk elskar að spila fyrir Jurgen Klopp, liðið er á toppnum og á góðri leið með að vinna ensku úrvalsdeildina.
,,Ég man eftir því að hafa rætt við Klopp um verðmiðann á mér, hann sagði mér bara að gæði kostuðu peningana,“ sagði Van Dijk sem kostaði 75 milljónir punda, er hann dýrasti varnarmaður allra tíma.
,,Mér fannst það frábært, Jurgen er ein stærsta ástæða þess að ég vildi koma til Liverpool. Ég man eftir okkar fyrsta fundi, við áttum gott spjall og hann gaf mér mikið.“
,,Það er eitthvað við Klopp sem gerir hann einstakan, það er ekki bara orkan, hann er frábær í mannlega hlutanum.“
,,Klopp lætur þér líða frábærlega, hann er alltaf ánægður á morgnana og það hefur áhrif þegar leikmenn mæta til vinnu.“
